લોકસભા ચૂંટણી 2024

ભારતમાં એપ્રિલ-મે દરમિયાન 18મી લોકસભા માટે મતદાન યોજાશે. વર્તમાન લોકસભાનો કાર્યકાળ 16 જૂને સમાપ્ત થઈ રહ્યો છે, એટલે કે તે પહેલા સરકારની રચના કરવી જરૂરી છે. શાસક પક્ષ ભારતીય જનતા પાર્ટી તરફથી નરેન્દ્ર મોદીને સતત ત્રીજી વખત વડા પ્રધાન પદના ઉમેદવાર જાહેર કરવામાં આવ્યા છે, જ્યારે વિપક્ષોએ તેમને પડકારવા માટે ભારતીય રાષ્ટ્રીય વિકાસ સમાવિષ્ટ ગઠબંધન (Indian National Developmental Inclusive Alliance) તૈયાર કર્યું છે. જોકે, ઇન્ડિયા તરફથી વડાપ્રધાન પદના ઉમેદવારની જાહેરાત કરવામાં આવી નથી. 2019ની લોકસભા ચૂંટણીમાં, ભાજપે કુલ 303 બેઠક પર જીત મેળવી હતી, જ્યારે કોંગ્રેસના ફાળે 52 બેઠક ગઈ હતી.